სიახლეები

ამბროლაურის კულტურის სახლის პროექტირება იწყება. ხელშეკრულება კონკურსში გამარჯვებულ კომპანიასთან გაფორმდა, რომელის მომსახურება ოთხი ეტაპისგან შედგება და სამუშაოების შესრულების საერთო ვადად 6 თვეა განსაზღვრული.

ინფრასტრუქტურის სამინისტროს მუნიციპალური განვითარების ფონდი ქვემო ქართლის რეგიონში ხუთი საჯარო სკოლის მშენებლობას ახორციელებს. ჯამში, 1500-მდე მოსწავლე თანამედროვე სტანდარტების შესაბამის სკოლებში შეძლებს განათლების მიღებას.

ლაგოდეხში მულტიფუნქციური სპორტული კომპლექსი და საფეხბურთო ტექნიკური ცენტრი აშენდება. პროექტის ფარგლებში აშენდება მრავალფუნქციური სპორტული კომპლექსი, სადაც განთავსდება დიდი და საბავშვო აუზები, სატრენაჟორო და ფიტნეს დარბაზები, მწვრთნელთა, სამედიცინო და ფიზიოთერაპიის ოთახები.

ლაგოდეხის მუნიციპალიტეტის სოფელ ყარაჯალაში სრულად განახლდა 150 მოსწავლეზე გათვლილი სკოლა. სკოლაში მოეწყო საკლასო ოთახები, სამასწავლებლო, საბუნებისმეტყველო მეცნიერებების ლაბორატორია,ასევე ინფორმაციული და საკომუნიკაციო ტექნოლოგიების სივრცეები.

ლაგოდეხის მუნიციპალიტეტის სოფელ მსხალგორის ბაღში გათვალისწინებულია ბავშვების განათლებისა და სოციალიზაციისათვის აუცილებელი ყველა საჭიროება. შენობაში მოწყობილია საგანმანათლებლო და მოსასვენებელი ოთახები, სამზარეულო, ეზო და სათამაშო სივრცე.

ინფრასტრუქტურის მინისტრმა, რევაზ სოხაძემ, მუნიციპალური განვითარების ფონდის აღმასრულებელ დირექტორთან, ბექა ურუშაძესთან და ადგილობრივი ხელისუფლების წარმომადგენლებთან ერთად, დედოფლისწყაროს მუნიციპალიტეტის სოფელ სამრეკლოში 75 ბავშვზე გათვლილი საბავშვო ბაღის გაჭიანურებული მშენებლობა დაათვალიერა.

დედოფლისწყაროში საფეხბურთო ტექნიკური ცენტრი და ხელოვნურსაფარიანი სტადიონი აშენდება. პროექტის ფარგლებში მოეწყობა 300 მაყურებელზე გათვლილი ტრიბუნა, გასახდელები, სველი წერტილები და სამეურნეო სათავსო.

ქალაქ დედოფლისწყაროში № 1 საჯარო სკოლის მშენებლობა გრძელდება, სკოლა 650 მოსწავლეზეა გათვლილი. ახალი სკოლა საერთაშორისო სტანდარტების შესაბამისად შენდება.

ინფრასტრუქტურის სამინისტროს საკონკურსო კომისიამ ხაშურის მუნიციპალიტეტის დაბა სურამში მულტიფუნქციური კომპლექსის საკონკურსო განაცხადები და ქვეყნის სხვადასხვა ტერიტორიაზე 6 საბავშვო ბაღის პროექტირებისთვის წარდგენილი წინადადებები განიხილა.

ინფრასტრუქტურის სამინისტროს მუნიციპალური განვითარების ფონდი წალკის მაღალმთიან სოფლებში საჯარო სკოლების რეაბილიტაციას იწყებს. განთიადსა და ბარეთში, საჯარო სკოლების რეაბილიტაცია განხორციელდება სკანდინავიური გარემოს საფინანსო კორპორაციის (NEFCO) მიერ დაფინანსებული პროექტის “საქართველოს შორეული მთიანი რეგიონების საჯარო სკოლები“ ფარგლებში.