სიახლეები

„ქალაქებისა და კურორტების განვითარების პროგრამის“ ფარგლებში, ბორჯომში სამუშაოები ოთხ ქუჩაზე მიმდინარეობს. ინფრასტრუქტურის მინისტრი რევაზ სოხაძე, მუნიციპალური განვითარების ფონდის აღმასრულებელ დირექტორთან ბექა ურუშაძესთან ერთად, სამცხე-ჯავახეთში მიმდინარე ინფრასტრუქტურულ პროექტებს ადგილზე გაეცნო.

ინფრასტრუქტურის სამინისტროს მუნიციპალური განვითარების ფონდმა დუშეთის მუნიციპალიტეტის სოფელ ბაზალეთში ახალი საბავშვო ბაღის მშენებლობა დაასრულა.

ინფრასტრუქტურის სამინისტროს მუნიციპალური განვითარების ფონდის აღმასრულებელი დირექტორის მოადგილედ არჩილ ნიკოლეიშვილი დაინიშნა.

დუშეთის მუნიციპალიტეტში საბავშვო ბაღების მშენებლობა და რეაბილიტაცია მიმდინარეობს ინფრასტრუქტურის სამინისტროს მუნიციპალური განვითარების ფონდი დუშეთის მუნიციპალიტეტში, საერთაშორისო სტანდარტების შესაბამისი, 4 საბავშვო ბაღის მშენებლობა-რეაბილიტაციას ახორციელებს.

ინფრასტრუქტურის სამინისტროს მუნიციპალური განვითარების ფონდი მარნეულის მუნიციპალიტეტში სამი საბავშვო ბაღის მშენებლობას ახორციელებს. პროექტები საქართველოს მთავრობის დაფინანსებით ხორციელდება და სამივე ბაღის ღირებულება 10.4 მილიონ ლარს აღემატება.

ინფრასტრუქტურის სამინისტროს მუნიციპალური განვითარების ფონდი აქტიურად არის ჩართული ქვემო ქართლის რეგიონში ინფრასტრუქტურული პროექტების განხორციელებაში. მხოლოდ რუსთავში, ფონდს 7 მიმდინარე პროექტი აქვს, რომელთა ჯამური საინვესტიციო ღირებულება 41.6 მილიონ ლარს აჭარბებს. პროექტები მოიცავს როგორც სკოლებისა და ბაღების მშენებლობასა და რეაბილიტაციას, ასევე, აქტიურ ფაზაშია ორი ტექნიკური საფეხბურთო სტადიონის მშენებლობაც.

ინფრასტრუქტურის სამინისტროს მუნიციპალური განვითარების ფონდმა წყალტუბოში ,,ცივი ტბის” სარეაბილიტაციო სამუშაოები დაასრულა. პროექტი „ქალაქებისა და კურორტების განვითარების პროგრამის“ ფარგლებში განხორციელდა და მისი ღირებულება 16.2 მილიონი ლარია.

ინფრასტრუქტურის სამინისტროს მუნიციპალური განვითარების ფონდმა ქალაქ სენაკში 100 აღსაზრდელზე გათვლილი საბავშვო ბაღის მშენებლობა დაასრულა.

ინფრასტრუქტურის მინისტრ რევაზ სოხაძის წარდგინებით, ინფრასტრუქტურის სამინისტროს მუნიციპალური განვითარების ფონდის აღმასრულებელ დირექტორად ბექა ურუშაძე დაინიშნა.

ქუთაისის ცენტრალური პარკის რეაბილიტაციის სამუშაოები დასრულების ფაზაშია. ამ დროისათვის შესრულებულია პროექტით დაგეგმილი სამუშაოების 90%.