სიახლეები

დღეს საქართველოს რეგიონული განვითარებისა და ინფრასტრუქტურის მინისტრი, ელგუჯა ხოკრიშვილი, მოადგილეებთან და საქართველოს მუნიციპალური განვითარების ფონდის აღმასრულებელ დირექტორთან, გიორგი სომხიშვილთან ერთად, საბანკო სექტორის წარმომადგენლებს შეხვდა. შეხვედრის მიზანს წარმოადგენდა ინფრასტრუქტურული პროექტების განმახორციელებელ კომპანიებსა და ბანკებს შორის ურთიერთობების დახვეწა.

საქართველოს მუნიციპალური განვითარების ფონდს ახალი დირექტორი ჰყავს. გიორგი სომხიშვილი, ფონდის ხელმძღვანელად, პრემიერ-მინისტრის ბრძანებით დაინიშნა. გიორგი სომხიშვილი მუნიციპალური განვითარების ფონდში, 2012 წლიდან მუშაობს. 2013 წლამდე დირექტორის მოადგილის თანამდებობა ეკავა, ხოლო 2013 წლიდან დირექტორის მრჩევლი იყო. შესაბამისად, სომხიშვილი ფონდის სტრუქტურასა და საქმიანობას დეტალურად იცნობს.

საქართველოს პრემიერ-მინისტრმა ირაკლი ღარიბაშვილმა რეგიონული განვითარებისა და ინფრასტრუქტურის მინისტრის თანამდებობაზე ელგუჯა ხოკრიშვილი წარადგინა. მთავრობის მეთაურმა დავით ნარმანიას შემცვლელის წარდგენისას ელგუჯა ხოკრიშვილის მაღალ კვალიფიკაციასა და პროფესიონალიზმზე გაამახვილა ყურადღება.

დღეს მიუსაფართა პრობლემების მოგვარებაზე მომუშავე უწყებათაშორისი კომისიის მორიგი სხდომა გაიმართა. აღნიშნულ სხდომაზე მუნიციპალური განვითარების ფონდის დირქტორის მოადგილე თორნიკე თორაძემ წარმოადგინა ფონდის მიერ მომზადებული მიუსაფართა დროებითი საცხოვრებელის პროექტის კონცეპტუალური დიზაინი.

საქართველოს რეგიონული განვითარებისა და ინფრასტრუქტურის მინისტრმა დავით ნარმანიამ და მუნიციპალური განვითარების ფონდის აღმასრულებელმა დირექტორმა ელგუჯა ხოკრიშვილმა დღეს მეტროსადგურ „უნივერსიტეტის“ სამშენებლო ობიექტი მოინახულეს და პროექტთან დაკავშრებულ საკითხებს ადგილზე გაეცნენ. ამასთან, მინისტრმა და ფონდის დირექტორმა საზოგადოებას მეტროს მშენებლობის დაწყების შესახებ მიაწოდეს ინფორმაცია და მედიას ის ვიზუალური მასალა გააცნეს, სადაც ნაჩვენებია, თუ როგორი იქნება მეტრო მშენებლობის დასრულების შემდეგ.

81 ამბულატორიის მშენებლობის პროექტის ფარგლებში მორიგი ამბულატორია ახმეტის მუნიციპალიტეტის სოფელ საკობიანოში დაიდგა. ამბულატორია საქართველოს მუნიციპალური განვითარების ფონდმა დაამონტაჟა, რის შემდეგაც საქართველოს შრომის ჯანმრთელობისა და სოციალური დაცვის სამინისტრომ ის სამედიცინო ინვენტარით აღჭურვა. უახლოეს დღეებში სოფელ საკობიანოს მოსახლეობას ადგილზე შეეძლებათ პირველადი ჯანდაცვისთის საჭირო მომსახურეობის მიღება.

256 იძულებით გადაადგილებული ოჯახისთვის ზუგდიდში 8 ახალი კორპუსი შენდება. სამშენებლო სამუშაოები დღეს საქართველოს პრემიერ-მინისტრმა ირაკლი ღარიბაშვილმა, საქართველოს რეგიონული განვითარებისა და ინფრასტრუქტურის მინისტრმა, დავით ნარმანიამ და საქართველოს მუნიციპალური განვითარების ფონდის დირექტორმა, ელგუჯა ხოკრიშვილმა დაათვალიერეს.

საქართველოს პრემიერ-მინისტრმა ირაკლი ღარიბაშვილმა,საქართველოს რეგიონული განვითარებისა და ინფრასტრუქტურის მინისტრთან, დავით ნარმანიასთან და საქართველოს მუნიციპალური განვითარების ფონდის აღმასრულებელ დირექტორთან, ელგუჯა ხოკრიშვილთან ერთად, ანაკლიაში მიმდინარე მასშტაბური ნაპირდამცავი სამუშაოები დაათვალიერა.
ანაკლიაში ნაპირდამცავ ნაგებობას მუნიციპალური განვითარების ფონდი აზიის განვითარების ბანკის დაფინანსებით ახორციელებს.

თბილისის მეტროპოლიტენის ახალი სადგურის მშენებლობაზე ტენდერი სულ მალე გამოცხადდება. ეს იყო წლების განმავლობაში გაჩერებული პროექტი, რომლის განხორციელებაც მნიშვნელოვან როლს შეასრულებს საქართველოს დედაქალაქის განვითარებაში. ამის შესახებ საქართველოს მუნიციპალური გამვითარების ფონდის აღმასრულებელმა დირექტორმა ელგუჯა ხოკრიშვილმა დღეს გამართულ პრეკონფერენციაზე განაცხადა.

„ჩვენ მივესალმებით იმ ფაქტს, რომ რეფორმების პოლიტიკიდან გამომდინარე, საქართველოს კარგი შანსები აქვს, რომ ზაფხულში უკვე მოეწეროს ხელი ასოცირების ხელშეკრულებას“ – აღნიშნა ეკონომიკური თანამშრომლობისა და განვითარების ფედერალური სამინისტროს საპარლამენტო მდივანმა, ჰანს იოახიმ ფუხტელმა საქართველოს რეგიონული განვითარებისა და ინფრასტრუქტურის მინისტრთან, დავით ნარმანიასთან შეხვედრისას. მინისტრთან ერთად შეხვედრას საქართველოს მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი ესწრებოდა.