სიახლეები

საქართველოს რეგიონული განვითარებისა და ინფრასტრუქტურის სამინისტროში მიუსაფართა პრობლემების მოგვარებაზე მომუშავე უწყებათაშორისი კომისიის მორიგი სხდომა გაიმართა. განსახილველ საკითხთა შორის ერთ-ერთი მნიშვნელოვანი იმ ხარჯთაღრიცხვის შესახებ მსჯელობა იყო, რომელიც საქართველოს მუნიციპალური განვითარების ფონდმა მიუსაფართა თავშესაფრის მშენებლობასთან დაკავშირებით წარმოადგინა.

საქართველოს მასშტაბით 81 ახალი ამბულატორიის მშენებლობის პროექტის ფარგლებში მორიგი ამბულატორია სიღნაღის მუნიციპალიტეტის სოფელ მაშნაარში დამონტაჟდა. სენდვიჩპანელის მონტაჟს უშალოდ დაესწრო რეგიონული განვითარებისა და ინფრასტრუქტურის მინისტრი დავით ნარმანია და მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი. საქართველოს მასშტაბით 81 ახალი ამბულატორიის მშენებლობისთვის საქართველოს მთავრობამ 2,4 მილიონი ლარი გამოყო. მონტაჟის პროცესს ადგილობრივი ხელისუფლების წარმომადგენლებიც ესწრებოდნენ.

საქართველოს მასშტაბით 81 ამბულატორიის მშენებლობას მთავრობის გადაწყვეტილებით, რეგიონული განვითარებისა და ინფრასტრუქტურის სამინისტრო, შრომის, ჯანმრთელობისა და სოციალური დაცვის სამინისტრო და მუნიციპალური განვითარების ფონდი ახორციელებენ. ამბულატორიები მთელი საქართველოს მასშტაბით დამონტაჟდება, მათ შორის, ისეთ სოფლებში, სადაც დღემდე ამ ტიპის მომსახურება მოქალაქეებისთვის ხელმისაწვდომი არ იყო. პროექტის განხორციელების პროცესში განსაკუთრებული ყურადღება მაღალმთიან და გამყოფი ხაზის მიმდებარე სოფლებს მიექცევა.

საქართველოს მასშტაბით 81 ახალი მბულატორიის მშენებლობა იწყება. ამისათვის საქართველოს მთავრობამ 2,4 მილიონი ლარი გამოყო.
ამბულატორიებს მუნიციპალიტეტების მიერ სპეციალურად შერჩეულ ტერიტორიაზე მუნიციპალური განვითარების ფონდი დაამონტაჟებს. პროექტს საქართველოს რეგიონული განვითარებისა და ინფრასტრუქტურის სამინისტრო და შრომის, ჯანმრთელობისა და სოციალური დაცვის სამინისტრო ერთობლივად ახორციელებენ.

საქართველოს მუნიციპალური განვითარების ფონდის ახალი ვებ-გვერდი - www.mdf.org.ge დღეიდან ამოქმედდა. ფონდის ვებ გვერდი უფრო მოქნილი და მომხმარებელზე ორიენტირებულია. აღსანიშნავია, რომ საიტის სტრუქტურა მაქსიმალურად პასუხობს თანამედროვე ტენდენციებს. ფონდის შესახებ არსებული განცხადებები და სიახლეები ოპერატიულად დაიდება ვებ-გვერდზე. მოქალაქეს ახალი ვებ-გვერდის მეშვეობით შეუძლია ნახოს მუნიციპალური განვითარების ფონდის სტრუქტურა, სამსახურები და მათი ხელმძღვანელები პირების ბიოგრაფიები. ახალი ვებ გვერდი ორ ენოვანია, შესაბამისად ფონდის შესახებ ინფორმაციის მიღება ქართულ და ინგლისურ ენაზეა შესაძლებელი.

საქართველოს რეგიონული განვითარებისა და ინფრასტრუქტურის მინისტრის მოადგილე გიორგი სოლომონია და მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი EBRD-ის წარმომადგენლებს შეხვდნენ. სამინისტროში გამართული შეხვედრის შემდეგ EBRD-ს წარმომადგენლებთან შეხვედრა მგფ-შიც გაიმართა, რომელსაც ფონდის დირექტორთან ერთად მისი მოდგილე თეიმურაზ მურღულიაც ესწრებოდა.

დღეს საქართველოს მუნიციპალური განვითარების ფონდის აღმასრულებელმა დირექტორმა ელგუჯა ხოკრიშვილმა და მისმა მოადგილე თეიმურაზ მურღულიამ კვიპროსის კომუნიკაციებისა და ინფრასტრუქტურის მინისტრს, ტასოს მიცოპულოსისთან გამართეს შეხვედა. შეხვედრაზე საუბარი 2014 წელს საქართველოში დაგეგმილ ინფრასტრუქტურულ პროექტებს შეეეხო. თავის მხრივ კი, კვიპროსელმა სტუმრებმა ფონდის ხელმძღვანელობას საკუთარი გამოცდილება გაუზიარეს. მხარეებმა, ასევე, სამომავლო თანამშრომლობის შესახებ გამოხატეს სურვილი და თანამშრომლობის დეტალებსა და ფორმებზე შეთანხმდნენ.

დღეს საქართველოს რეგიონული განვითარებისა და ინფრასტრუქტურის სამინისტროში მინისტრმა, დავით ნარმანიამ კვიპროსის კომუნიკაციებისა და ინფრასტრუქტურის მინისტრთან, ტასოს მიცოპულოსისთან შეხვედრა გამართა. შეხვედრას საქართველოს მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი და მისი მოადგილე თეიმურაზ მურღულია ესწრებოდნენ. შეხვედრაზე საუბარი 2014 წელს საქართველოში დაგეგმილ საგზაო ინფრასტრუქტურულ პროექტებს შეეეხო. თავის მხრივ კი, კვიპროსელმა სტუმრებმა კოლეგებს საკუთარი გამოცდილება გაუზიარეს. მინისტრები, ასევე, შეთანხმდნენ სამომავლო თანამშრომლობის დეტალებსა და ფორმებზე.

საქართველოს რეგიონული განვითარებისა და ინფრასტრუქტურის მინისტრი რეგიონებში ადგილობრივი ხელისუფლების წარმომადგენლებთან შეხვედრებს განაგრძობს. დავით ნარმანია და მუნიციპალური განვითარების ფონდის აღმასრულებელი დირექტორის მოადგილე თორნიკე თორაძე იმერეთში იმყოფებოდნენ, სადაც იმერეთის გუბერნატორს, ზაზა მეფარიშვილსა და ადგილობრივი ხელისუფლების წარმომადგენლებს შეხვდნენ.

საქართველოს რეგიონული განვითარებისა და ინფრასტრუქტურის მინისტრი დავით ნარმანია და მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი აზიის განვითარების ბანკის წარმომადგენლებს შეხვდნენ. შეხვედრაზე განხილული იქნა მდგრადი ურბანული ტრანსპორტის საინვესტიციო პროგრამის (SUTIP) ფარგლებში დაფინანსებული ინფრასტრუქტურული პროექტების მიმდინარეობის საკითხები.