სიახლეები

დღეს რეგიონული განვითარებისა და ინფრასტრუქტურის მინისტრი დავით ნარმანია საქვეუწყებო დაწესებულებების ხელმძღვანელ პირებთან ერთად მონაცემთა გაცვლის სააგენტოს წარმომადგენლებს შეხვდა. შეხვედრას სხვა საქვეუწყებო დაწესებულებების ხელმძღვანელ პირებთან ერთად მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი ესწრებოდა.

წეროვანის დევნილთა დასახლებაში საერთაშორისო ფონდ „მოძრაობა შიმშლის წინააღმდეგ“ (ACF International) და საქართველოს რეგიონული განვითარებისა და ინფრასტრუქტურის სამინისტროს მიერ მცხეთა-მთიანეთის რეგიონში განხორციელებული ინფრასტრუქტურული პროექტების დახურვის ღონისძიება გაიმართა. წეროვანის დევნილთა დასახლებაში დასრულებული ინფრასტრუქტურული სამუშაოები დღეს საქართველოს რეგიონული განვითარებისა და ინფრასტრუქტურის მინისტრმა დავით ნარმანიამ, ევროკავშირის ელჩმა საქართველოში ფილიპ დიმიტროვმა და მუნიციპალური განვითარების ფონდის აღმასრულებელმა დირექტორმა ელგუჯა ხოკრიშვილმა დაათვალიერეს.

მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი და მისი მოადგილე გიორგი სომხიშვილი აზიის განვითარების ბანკის ცენტრალური ოფისის წარმომადგენელებს შეხვდნენ. შეხვედრაზე მხარეებმა რამდენიმე მნიშვნელოვანი საკითხი განიხილეს. მათ შორის- თბილისი -რუსთავის ავტომაგისტრალის პირველი და მესამე სექციის ტედენდერის გამოცხადებასთან დაკავშირებული საკითხები.

საქართველოს მუნიციპალური განვითარების ფონდმა ქ.წყალტუბოს წყალმომარაგების სისტემის რეაბილიტაცია დაასრულა.კონტრაქტორმა ფირმამ ” ნიუ ქონსტრაქშენი” სატუმბი სადგური შეაკეთა. ძველი წყლის მილები ჩაანაცვლეს წნევიანი მილსადენით. მიწაში ჩაიდო პოლიეთილინის და ფოლადის მილები. დამონტაჟდა წყალსადენის 2 ტუმბო-აგრეგატი და ელექტრომოწყობილობები.

მუნიციპალური განვითარების ფონდი სამუშაოდ იწვევს მაღალკვალიფიციურ საერთაშორისო ექსპერტს, მეტროსადგურის ხაზის მშენებლობაში კონსულტაციის გასაწევად.

მუნიციპალური განვითარების ფონდმა თელავის ცენტრალური ქუჩების გარეგანათებით უზრუნველყოფა დაასრულა. გარე განათების რეაბილიტაცია ერეკლეს მოედნის ტერიტორიას და ჩოლოყაშვილის, რუსთაველის, ნადიკვრის, ბარნოვისა და ერეკლე მოერეს ქუჩებს შეეხო. აღნიშნულ ტერიტორიებზე 161 ერთსანათიანი, 59 ორსანათიანი და 20 ბრა დამონტაჟდა.

დაბა ლენტეხში მუნიციპალური განვითარების ფონდმა წყალსადენი სისტემის რეაბილიტაცია მოახდინა. პროექტის შედეგად წყალმომარაგება, რომელიც მოსახლეობის ნაწილს შეზღუდვებით მიეწოდებოდა, სრულად აღდგა და წყალი ახლა ლენტეხელებს 24 საათიან რეჟიმში მიეწოდებათ.

საქართველოს მუნიციპალური განვითარების ფონდის აღმასრულებელი დირექტორი, ელგუჯა ხოკრიშვილი სამუშაო ვიზიტით აშშ- ში იმყოფებოდა. მან „გლობალური ინფრასტრუქტურის მართვის სტრატეგიულ ფორუმში“ (CG/LA) მიიღო მონაწილეობა, რომელიც ნიუ-იორკში ყოველწლიურად იმართება.

საქართველოს მუნიციპალური განვითარების ფონდი აცხადებს, რომ საქართველოს მთავრობა , მიმდინარე წელს განსახორციელებელი პროექტებიდან, რომლებიც ჯერ კიდევ 2012 წელს დაიგეგმა, რამდენიმე მასშტაბურ პროექტს , მათი მიზანშეუწონლობის გამო, აღარ განახორციელებს.შესაბამისი კვლევების ჩატარების საფუძველზე დადგინდა, რომ თბილისში, მარშალ გელოვანის ქუჩისა და სამტრედიის ქუჩის დამაკავშირებელი ე.წ. დაკიდული ხიდი ( პროექტი საერთო ბიუჯეტით–80 მლნ.ლარი) აღარ აიგება. საკითხის საფუძვლანი შესწავლის შედეგად დადგინდა, რომ მარჯვენა და მარცხენა სანაპიროების დამაკავშირებელი ხიდის აგებით ტერიტორიაზე არსებული საცობების მასშტაბები, კიდევ უფრო გაიზრდება. ამასთან ხიდის აგებას აღნიშნული ქუჩების მცხოვრებლები ეწინააღმდეგებიან.

მუნიციპალური განვითარების ფონდის დირექტორი ელგუჯა ხოკრიშვილი, საქართველოს რეგიონული განვითარებისა და ინფრასტრუქტურის მინისტრის მოადგილესთან, შოთა მურღულიასთან, საავტომობილო გზების დეპარტამენტის თავმჯდომარესთან, ზაქარია ხუნძაყიშვილთან და გაერთიანებული წყალმომარაგების კომპანიის დირექტორთან, არჩილ ცაბუტაშვილთან ერთად, შვეიცარიაში იმყოფებოდა, სადაც „მდგრადი ინფრასტრუქტურის დაფინანსების საკითხების შესახებ“ გამართულ კონფერენციაში მიიღო მონაწილეობა.