სიახლეები

ინფრასტრუქტურის სამინისტროს მუნიციპალური განვითარების ფონდმა აბაშის მუნიციპალიტეტის სოფელ გულეიკარში თანამედროვე სტანდარტების შესაბამისი საჯარო სკოლის მშენებლობა დაასრულა. განახლებული სკოლა სრულად არის მორგებული მოსწავლეთა უსაფრთხოებასა და განვითარებაზე.

აბაშაში თანამედროვე საფეხბურთო ტექნიკური ცენტრისა და ხელოვნურსაფარიანი სტადიონის მშენებლობა დაიწყო. ახალი სპორტული სივრცე არა მხოლოდ ხელს შეუწყობს რეგიონში ფეხბურთის განვითარებას, არამედ ახალგაზრდებში ჯანსაღი ცხოვრების წესის დამკვიდრებასაც.

მარტვილის მუნიციპალიტეტის სოფელ ზედა ხუნწის საჯარო სკოლის მშენებლობა დასრულდა. საჯარო სკოლა საერთაშორისო სტანდარტების შესაბამისად აშენდა და სრულად ადაპტირებულია შეზღუდული შესაძლებლობის მქონე პირებისთვის.

მარტვილის მუნიციპალიტეტის სოფელ სერგიეთში თანამედროვე საფეხბურთო ტექნიკური ცენტრისა და ხელოვნურსაფარიანი სტადიონის მშენებლობა იწყება. სერგიეთის ახალი სპორტული კომპლექსი საშუალებას მისცემს ახალგაზრდებს განავითარონ სპორტული უნარები და მიიღონ გამოცდილება პროფესიულ დონეზე.

ჩხოროწყუს მუნიციპალიტეტის ნაფიჩხოვოს თემის საჯარო სკოლის მშენებლობა სრულდება, თანამედროვე სტანდარტების შესაბამისი სკოლა 200 მოსწავლეზეა გათვლილი. შენობაში განთავსებულია კვებისათვის განკუთვნილი სივრცე, სამედიცინო კაბინეტი, მრავალფუნქციური და სპორტული დარბაზები, სკოლის ტერიტორიაზე მოეწყობა სათამაშო და სპორტული მოედნები.

დაბა ჩხოროწყუში 400 მოსწავლეზე გათვლილი სკოლის მშენებლობა გრძელდება. პროექტის მიხედვით, სკოლის შენობა თანამედროვე საგანმანათლებლო სტანდარტების შესაბამისად მოეწყობა, სადაც მოსწავლეები თავიანთ საჭიროებებზე მორგებულ, ინკლუზიურ გარემოში ისწავლიან.

ჩხოროწყუს მუნიციპალიტეტის სოფელ ზუმის საჯარო სკოლის მშენებლობა სრულდება, სკოლა 120 მოსწავლეზეა გათვლილი. პროექტის ფარგლებში, შენობაში მოეწყო თანამედროვე სტანდარტების შესაბამისი საკლასო და ადმინისტრაციული ოთახები, ბიბლიოთეკა, ლაბორატორია, კვების სივრცე და სპორტული დარბაზი

ინფრასტრუქტურის სამინისტროს მუნიციპალური განვითარების ფონდი სამეგრელო-ზემო სვანეთის რეგიონში საგანმანათლებლო ინფრასტრუქტურის განახლებას აქტიურად აგრძელებს. რამდენიმე მუნიციპალიტეტში უკვე დასრულდა ახალი სკოლების მშენებლობა და რეაბილიტაცია, ნაწილი კი დასკვნით ეტაპზეა.

ქალაქ წალენჯიხაში საშა კვარაცხელიას სახელობის ბუნებრივსაფარიან საფეხბურთო სტადიონს სრულმასშტაბიანი რეაბილიტაცია ჩაუტარდება და, პარალელურად, აშენდება თანამედროვე სტანდარტების შესაბამისი მულტიფუნქციური ცენტრი.

ინფრასტრუქტურის მინისტრი რევაზ სოხაძე, მუნიციპალური განვითარების ფონდის აღმასრულებელ დირექტორ ბექა ურუშაძესთან ერთად, წალენჯიხის მუნიციპალიტეტის ქალაქ ჯვარში, მდინარე მაგანაზე არსებული ვანტური ხიდის მდგომარეობას გაეცნო.